O‘zbekiston Respublikasi Oliy taʼlim, fan va innovatsiyalar vazirligi

Unda vazirlik mas'ullari, “Springer Nature” kompaniyasining rasmiy vakillari va Jahon banki ishchi guruh rahbari Beksultan Yerali o‘z nutqlari bilan ishtirok etishdi. Tadbirda SpringerLink ilmiy maʼlumotlar bazasining imkoniyatlari, shuningdek, platformaga ulangan universitetlar va ilmiy-tadqiqot institutlari tadqiqotchilarining undan foydalanganlik bo‘yicha statistik maʼlumotlarga eʼtibor qaratildi. Shu bilan birga, 2022-yil noyabriga qadar link.springer.com platformasida eng ko‘p maqola chop etgan o‘zbekistonlik olimlar va faol universitetlar haqida maʼlumotlar berildi.

Oliy taʼlim, fan va innovatsiyalar vazirligi bilan imzolangan ikki tomonlama hamkorlik shartnomasi asosida Springer Nature kompaniyasi 2020-yildan buyon O‘zbekiston taʼlim va ilmiy tashkilotlariga nashriyotning elektron ilmiy resurslarining reytingidan foydalanish imkoniyatini taqdim etib kelmoqda. Taʼkidlash joizki, nashriyotning ilmiy manbalariga obuna bo‘lish va o‘tkazilayotgan o‘quv-seminarlar natijasida O‘zbekistondagi tashkilotlar tomonidan jurnallar, kitoblar va bayonnomalardan foydalanish bo‘yicha statistik maʼlumotlar sezilarli darajada oshdi, shuningdek, nashriyotning ilmiy manbalaridagi xorijiy jurnallarda nashr etilgan maqolalar soni ortdi. Bu holat nafaqat O‘zbekistonning ilmiy izlanishlarini xorijda eʼtirof etish, balki O‘zbekiston Respublikasi universitetlarining QS World University ranking, The World University ranking, ARWU kabi xorijiy reytinglarda o‘rinlarini egallanishiga va yaxshilashga xizmat qilmoqda.

Forumda “Springer Nature” kompaniyasi 2020-2022-yillarga mo‘ljallangan hamkorlik natijalari, xususan, O‘zbekistondagi foydalanuvchi va nashrlar faoliyati to‘g‘risidagi maʼlumotlarni eʼlon qilindi, shuningdek, O‘zbekistondagi 210 ta tashkilot uchun 2023-2025-yillarga mo‘ljallangan obuna haqidagi maʼlumotlarni eʼlon qilishni rejalashtirmoqda. Mazkur tadbirlar, rejalashtirilgan taqdimot va chiqishlar nashr samaradorligini oshirish, ilmiy nashrlar sifatini oshirish va sonini ko‘paytirish hamda O‘zbekiston olimlarining ilmiy izlanishlariga zamin yaratishga qaratilgan.

Mazkur seminar davomida oliy taʼlim va ilmiy tadqiqot muassasasi xodimlari, ilmiy-ommabop jurnallar direktorlari, bosh muharrirlari ishtirok etishdi. Seminar davomida ishtirokchilarga ilmiy jurnallarning xalqaro bazalarga indeksatsiya qilinish tartiblari hamda qoidalari bo‘yicha maʼlumotlar berildi. Seminar so‘ngida ishtirokchilar o‘zlarini qiziqtirgan savollarga javoblarni olishdi.