Jamoatchilik kengashida davlat ijtimoiy buyurtmalari ijrosi va yangi loyihalar muhokama qilindi
2026-06-25 17:10:00 / Vazirlik yangiliklari
Shuningdek, kun tartibidagi ikkinchi masala sifatida Samarqand viloyati Qo‘shrabot tumanidagi “Navkat” mahallasi hamda unga tutash hududlarda istiqomat qiluvchi aholi, jumladan yoshlar, xotin-qizlar va nogironligi bo‘lgan shaxslarni qamrab oluvchi innovatsion kooperativ tashkil etish bo‘yicha ijtimoiy loyiha muhokama qilindi.
Mazkur loyiha zamonaviy kasb-hunar va tadbirkorlik ko‘nikmalarini shakllantirish, yangi ish o‘rinlarini yaratish, kambag‘allikni qisqartirish hamda aholi farovonligini oshirishga qaratilgan.
Kengash a’zolari davlat ijtimoiy buyurtmasi tanloviga kelib tushgan ariza va hujjatlarni Vazirlar Mahkamasining 2018-yil 22-fevraldagi 135-son qarorida belgilangan mezonlar asosida ko‘rib chiqdilar. Jumladan, loyiha yo‘nalishining vazirlikning ustuvor vazifalari va faoliyat yo‘nalishlariga muvofiqligi, byudjet va xarajatlarning iqtisodiy samaradorligi, maqsad va vazifalarning aniqligi, kutilayotgan natijalarning ijtimoiy ahamiyati va barqarorligi, amalga oshirish mexanizmlarining puxtaligi hamda tashabbuskor tashkilotning tajribasi va salohiyati atroflicha tahlil qilindi.
Muhokamalar davomida kengash a’zolari tomonidan taqdim etilgan loyihalar yuzasidan taklif va tavsiyalar bildirildi. Yakunda kun tartibidagi masalalar bo‘yicha tegishli qarorlar qabul qilinib, davlat ijtimoiy buyurtmalari doirasidagi loyihalarning samaradorligini yanada oshirish yuzasidan tavsiyalar ishlab chiqildi.