Endi texnikum pedagoglari maxsus fanlarni xorijiy tilda o‘qitgani uchun 100 foizgacha ustama olishi mumkin
2026-06-12 16:45:00 / Vazirlik yangiliklari
Oʻzbekiston Respublikasi Oliy taʼlim, fan va innovatsiyalar vazirligi hamda Maktabgacha va maktab taʼlimi vazirligining “Xorijiy tillar va umumtaʼlim fanlarini bilish darajasini belgilovchi milliy va xalqaro tan olingan sertifikatlar roʻyxatiga oʻzgartirish va qoʻshimchalar kiritish toʻgʻrisida”gi qoʻshma qarori davlat roʻyxatidan oʻtkazildi.
📝 Qarorga muvofiq, chet tilida maxsus fanlarni oʻqitadigan texnikum pedagoglariga tegishli xorijiy tildan B2 yoki C1 darajadagi sertifikati mavjud bo‘lgan taqdirda, bazaviy lavozim maoshiga nisbatan quyidagi miqdorlarda har oylik ustama belgilanadi:
☑️ B2 darajadagi milliy va xalqaro tan olingan sertifikatga ega pedagoglar uchun — bazaviy lavozim maoshining 50 foizi miqdorida;
☑️ C1 darajadagi milliy va xalqaro tan olingan sertifikatga ega pedagoglar uchun — bazaviy lavozim maoshining 100 foizi miqdorida.