Ijtimoiy-innovatsion loyihalar uchun davlat ijtimoiy buyurtmasi eʼlon qilinadi!
2026-06-08 09:35:00 / E’lonlar
📢 Tanlovning asosiy maqsadi – hududlarda aholi, xususan, xotin-qizlar va yoshlar bandligini taʼminlash, ularni zamonaviy kasblarga oʻqitish hamda ijtimoiy-innovatsion kooperatsiya modellarini amaliyotga tatbiq etish orqali jamiyat farovonligini oshirish.
☑️ Tanlovga taqdim etiladigan loyihalarning ustuvor yoʻnalishlari:
🟢chekka hududlarda taʼlim va ishlab chiqarish integratsiyasiga asoslangan ijtimoiy-innovatsion kooperativlar (platformalar) tashkil etish;
🟢xotin-qizlar, yoshlar va nogironligi boʻlgan shaxslarni zamonaviy kasb-hunarlarga (IT, xorijiy tillar, logistika) oʻqitish va barqaror daromad manbayiga ega boʻlishiga koʻmaklashish;
🟢qishloq xoʻjaligi va kichik ishlab chiqarish tarmoqlarida qoʻshilgan qiymat zanjirlarini yaratish orqali yangi ish oʻrinlarini shakllantirish;
🟢ishsizlik muammosini hal etishda raqamli texnologiyalar va zamonaviy menejment yechimlarini joriy etish.
‼️ Tanlovda ishtirok etish shartlari:
♻️ tashkilot davlat roʻyxatidan oʻtgan NNT yoki fuqarolik jamiyati instituti maqomiga ega boʻlishi;
♻️ taklif etilayotgan loyiha yoʻnalishi boʻyicha yetarli amaliy tajribaga va mutaxassislarga ega boʻlishi;
♻️ soliqlar va boshqa majburiy toʻlovlardan qarzdorligi mavjud emasligi.
Taqdim etilishi lozim boʻlgan hujjatlar:
1. Tashkilot rahbari nomidan rasmiy ariza;
2. Davlat roʻyxatidan oʻtganlik toʻgʻrisidagi guvohnoma nusxasi;
3. Loyihaning batafsil tavsifi (maqsadi, vazifalari, kutilayotgan aniq natijalar va xarajatlar smetasi);
4. Loyihani birgalikda amalga oshirish rejalashtirilgan hamkor tashkilotlar (davlat idoralari, tadbirkorlar) bilan tuzilgan memorandum yoki kafolat xatlari.
📆 Tanlov uchun loyihalar ariza namunasi asosida 2026-yil 20-iyunga qadar taqdim etiladi.
📝 Batafsil tanlov nizomida.
📥Hujjatlar elektron (PDF) shaklda quyidagi manzil orqali qabul qilinadi:
ijtimoiy-loyiha@edu.uz
📞 Qo‘shimcha ma’lumot uchun: +99855-520-08-08 (110)
Jamiyatdagi ogʻriqli muammolarga innovatsion va zamonaviy yechimlar izlayotgan barcha tashabbuskor tashkilotlarni hamkorlikka chorlaymiz!