Turkiston shahrida Turkiy davlatlar tashkiloti ta’lim vazirlarining 9-yig‘ilishi bo‘lib o‘tdi
2026-06-08 18:35:00 / Vazirlik yangiliklari

Unda O‘zbekiston tominidan Oliy ta’lim, fan va innovatsiyalar vazirining birinchi o‘rinbosari Sardor Rajabov ishtirok etib, nutq so‘zladi.
Yig‘ilishda turkiy davlatlar o‘rtasida ta’lim sohasidagi hamkorlikni kengaytirish, akademik mobillikni rivojlantirish, Turkiy universitetlar ittifoqi (TURKUNIB) va Orhun almashinuv dasturi faoliyatini takomillashtirish masalalari muhokama qilindi.
Tadbir doirasida “Sun’iy intellekt va ta’limda raqamli rivojlanish” mavzusida sessiya ham tashkil etilib, unda zamonaviy texnologiyalarni ta’lim tizimiga joriy etish, raqamli transformatsiyani jadallashtirish hamda yoshlarning sun’iy intellekt sohasidagi salohiyatini oshirishga qaratilgan tashabbuslar ilgari surildi.
Yig‘ilish qatnashchilari Turkiy akademiya majlisida ham ishtirok etib, ilmiy-tadqiqot ishlari, tarixiy-madaniy merosni o‘rganish va akademik hamkorlikni rivojlantirish istiqbollari haqida fikr almashishdi.
Tomonlar ta’lim, ilm-fan va innovatsiyalar sohalarida o‘zaro hamkorlikni yanada mustahkamlash hamda Turk dunyosida yagona ta’lim makonini shakllantirish borasidagi sa’y-harakatlarni jadal davom ettirishga kelishib oldilar.









