“Yangi Oʻzbekiston talabalar Olimpiadasi” sport musobaqalarining Respublika final bosqichi davom etmoqda
2026-06-06 14:00:00 / Vazirlik yangiliklari
Bugun, 6-iyun kuni musobaqalarning ikkinchi kunida respublikamizning barcha hududlaridan saralangan 2 mingga yaqin talaba-sportchi sportning bir qator turlari bo‘yicha g‘oliblik uchun bahs olib bormoqda.
Chirchiq davlat pedagogika universiteti sport majmuasida voleybol (qizlar), Mirzo Ulug‘bek tumani 1-son sport maktabi sport majmuasida voleybol (o‘g‘il bolalar), O‘zbekiston davlat jismoniy tarbiya va sport universitetida gandbol, Olimpiya shaharchasi Markaziy stadionida yengil atletika hamda Milliy futbol markazida futbol musobaqalari o‘tkazilmoqda.
Eslatib o‘tamiz, “Yangi Oʻzbekiston talabalar Olimpiadasi”ning dastlabki bosqichlarida 170 ta oliy ta’lim muassasasidan 154 ming nafardan ortiq talaba-yoshlar ishtirok etgan bo‘lsa, final bosqichida eng kuchli sportchilar sovrinli o‘rinlar uchun kurash olib bormoqda.