Vazir Sun’iy intellekt ilmiy laboratoriyasining qurilish jarayonini ko‘zdan kechirdi
2026-06-04 18:35:00 / Vazirlik yangiliklari

Tashrif davomida laboratoriyaning bunyodkorlik ishlari, loyiha yechimlari hamda uni zamonaviy ilmiy-tadqiqot markazi sifatida shakllantirish bo‘yicha amalga oshirilayotgan ishlar muhokama qilindi.
Vazir laboratoriyani xalqaro standartlar asosida jihozlash, ilmiy ishlanmalarni iqtisodiyotning real sektori ehtiyojlari bilan uyg‘unlashtirish, shuningdek, yosh olimlar va tadqiqotchilar uchun zamonaviy innovatsion muhit yaratish yuzasidan mas’ullarga tegishli topshiriq va tavsiyalar berdi.
O‘zbekiston Respublikasi Prezidentining PF–189-son Farmoni ijrosi doirasida amalga oshirilayotgan mazkur loyiha Smart City, transport, sanoat, qishloq xo‘jaligi, ta’lim va startap yo‘nalishlarida sun’iy intellekt yechimlarini ishlab chiqishga ixtisoslashadi.



