Andijonda “TalabaExpo — 2026” boshlandi: Talabalar va ish beruvchilar uchrashadigan katta maydon!
2026-06-04 10:00:00 / Vazirlik yangiliklari
Andijon viloyatida oliy ta’lim muassasalari bitiruvchilarining kasbiy faoliyatga muvaffaqiyatli integratsiyasini ta’minlash, ularning bandligini oshirish, mehnat bozorida ehtiyoj yuqori bo‘lgan kasb va mutaxassisliklar bilan tanishtirish hamda yoshlarni tadbirkorlikka keng jalb etish maqsadida tashkil etilgan “TalabaExpo — 2026” kasb ko‘rgazmasi bo’lib o’tmoqda.

Mazkur tadbir doirasida 850 ta bo‘sh ish o‘rnini taklif etayotgan 100 dan ziyod yirik ish beruvchi korxona va tashkilotlar hamda tijorat banklari, shuningdek, 7 ming nafarga yaqin talaba-yoshlar, oliy ta’lim muassasalari bitiruvchilari va abituriyentlar ishtirok etmoqda.
Ko‘rgazma davomida ishtirokchilar mehnat bozorida talab yuqori bo‘lgan mutaxassisliklar, mavjud vakant ish o‘rinlari, tadbirkorlik faoliyatini rivojlantirish imkoniyatlari hamda ish beruvchilar tomonidan yaratilgan shart-sharoitlar bilan yaqindan tanishish imkoniyatiga ega bo‘lmoqdalar.









