O‘zbekiston Respublikasi Oliy taʼlim, fan va innovatsiyalar vazirligi

Mazkur xalqaro talim ko‘rgazmasi O‘zbekiston oliygohlarining xorijdagi targ‘ibot faoliyatini kuchaytirish, Ozarbayjon yoshlari orasida mamlakatimiz oliy talim tizimiga bo‘lgan qiziqishni oshirish hamda xorijiy talabalarni jalb etish maqsadida o‘tkazildi.
 
Ko‘rgazmada O‘zbekistonning 16 ta oliy talim tashkiloti ishtirok etib, abituriyentlar va ularning ota-onalariga talim yo‘nalishlari, qabul tartiblari, grant imkoniyatlari, xalqaro hamkorlik dasturlari hamda talabalarga yaratilgan sharoitlar haqida batafsil malumotlar taqdim etdi.
 
Bokuda Tadbir davomida tibbiyot, huquqshunoslik, jurnalistika, axborot texnologiyalari, muhandislik, geologiya, arxitektura va qurilish, agrar soha, xorijiy tillar, biznes, tarix va psixologiya kabi yo‘nalishlarda zamonaviy talim dasturlari keng targ‘ib qilindi. Ishtirokchilarga universitetlarning ilmiy salohiyati, xalqaro reytinglardagi o‘rni, xorijiy hamkorlari bilan amalga oshirilayotgan qo‘shma dasturlar hamda akademik almashinuv imkoniyatlari haqida malumot berildi.
 
Ko‘rgazma mehmonlarida O‘zbekistonda oliy talim olishning afzalliklari alohida qiziqish uyg‘otdi. Xususan, xalqaro standartlarga mos talim tizimi, malakali professor-o‘qituvchilar, zamonaviy o‘quv infratuzilmasi, nisbatan qulay kontrakt to‘lovlari va diplomlarning xalqaro miqyosda tan olinishi takidlandi. Universitetlar tomonidan taqdim etilgan multimedia materiallari, virtual laboratoriyalar namunalari va bitiruvchilarning muvaffaqiyat hikoyalari tashrif buyuruvchilarda katta taassurot qoldirdi.
 
Tadbir doirasida Ozarbayjon va boshqa mamlakatlarning talim markazlari, konsalting kompaniyalari hamda talim agentliklari vakillari bilan qator uchrashuv va muzokaralar o‘tkazildi. Muloqotlar chog‘ida xorijiy talabalarni jalb etish, akademik almashinuv dasturlarini rivojlantirish, qo‘shma talim loyihalarini yo‘lga qo‘yish, grant dasturlarini tashkil etish va qisqa muddatli o‘quv-amaliyot dasturlarini amalga oshirish masalalari muhokama qilindi.
 
Shuningdek, xalqaro talim bozoridagi zamonaviy tendensiyalar, talabalar mobilligini kengaytirish, talim jarayonlarini raqamlashtirish va universitetlar o‘rtasidagi hamkorlikni mustahkamlash yuzasidan fikr almashildi.