🧪 Kimyo fani bo‘yicha respublika olimpiadasining yakuniy bosqichi Samarqandda bo‘lib o‘tdi!
2026-05-16 16:15:00 / Vazirlik yangiliklari
Mazkur bilimlar bellashuvida Unda respublikamizdagi 34 ta oliy ta’lim muassasasidan kelgan 56 nafar iqtidorli talaba ishtirok etib, o‘zaro nazariy bilim hamda amaliy ko‘nikmalarini sinovdan o‘tkazdi. Olimpiada davomida ishtirokchilar murakkab masalalar, laboratoriya topshiriqlari va ilmiy yondashuv talab etiladigan vazifalarni bajarish orqali o‘z salohiyatlarini namoyon etdilar.
Ikki bosqich asosida tashkil etilgan musobaqa juda qizg‘in va murosasiz raqobat ostida kechdi. Yakuniy natijalarga ko‘ra, eng yuqori ko‘rsatkich qayd etgan quyidagi iqtidorli yoshlar g‘oliblik shohsupasini egalladi:
🥇 1-o‘rin: Azimjon Toshtemirov – Samarqand davlat universiteti talabasi;
🥈 2-o‘rin: Azimjon Qozoqov – Andijon davlat universiteti talabasi;
🥉 3-o‘rin: Bernora Rahmonberdiyeva– Samarqand davlat pedagogika instituti talabasi.
🎓Mazkur respublika fan olimpiadasi g‘oliblari magistratura bosqichiga imtihonsiz kirish huquqini qo‘lga kiritadilar!
G‘oliblarimizni ushbu munosib g‘alaba bilan chin dildan muborakbod etamiz va ularning kelgusi ilmiy faoliyatlarida yanada ulkan zafarlar tilaymiz! 🎉👏