“Vazir kubogi” g‘oliblari aniqlandi: Sport bayrami yangi iqtidorlarni kashf etdi
2026-04-23 17:05:00 / Vazirlik yangiliklari
Respublikamizning 13 ta oliy ta’lim muassasasi jamoalari ishtirok etgan ushbu turnir nafaqat g‘oliblik uchun kurash, balki chinakam do‘stlik va mahorat maydoniga aylandi.
Murosasiz kechgan bahslar natijasiga ko‘ra, shohsupadan quyidagi jamoalar joy oldi:
🥇 1-o‘rin: Qarshi davlat universiteti (QarDU);
🥈 2-o‘rin: Termiz davlat universiteti (TerDU);
🥉 3-o‘rin: Termiz davlat pedagogika instituti (TerDPI).
Musobaqaning yakuniy qismi bayramona ruhda o‘tdi. G‘oliblarni O‘zbekiston talabalar assotsiatsiyasi raisi o‘rinbosari Erkin Qodirov hamda TerDU rektori Abduqodir Toshqulov qutlab, ularga medallar, diplomlar va qimmatbaho esdalik sovg‘alarini topshirdilar.
Shuningdek, o‘z mahorati bilan ajralib turgan talaba-qizlar quyidagi maxsus nominatsiyalar bo‘yicha taqdirlandilar:
⚽️ “Eng yaxshi to‘purar” — Botirova Barno (TerPI)
🧤 “Eng yaxshi darvozabon” — Ismoilova Gulsevar (TerDU)
🔥 “Eng faol talaba” — Egamberdiyeva Mehribon (QarDU)
⚡️ “Eng iqtidorli hujumchi” — Xojiyeva Ozoda (TDPU)
🤝 “Fair Play” — Aliqulova Feruza (O‘zDJTSU)