“O‘zbekiston 2030: barqaror iqtisodiy o‘sish va yechimlar” mavzusida respublika ilmiy-amaliy konferensiyasi bo‘lib o‘tdi
2026-04-23 18:00:00 / Vazirlik yangiliklari
Aniq va ijtimoiy fanlar universitetida tashkil etilgan mazkur konferensiya mamlakatimizda barqaror iqtisodiy taraqqiyotni ta’minlashga qaratilgan dolzarb masalalarni muhokama qilish uchun muhim platforma bo‘ldi.
Tadbirda Oliy ta'lim, fan va innovatsiyalar vazirligi, Iqtisodiyot va moliya vazirligi, Markaziy bank hamda Davlat aktivlarini boshqarish agentligi vakillari ishtirok etib, o‘z ma’ruzalari orqali konferensiyaning amaliy ahamiyatini ochib berdilar.
Anjuman doirasida quyidagi ustuvor yo‘nalishlar muhokama qilindi:
🔹 makroiqtisodiy barqarorlikni ta’minlash;
🔹 investitsiyalarni kengaytirish va “yashil” iqtisodiyotga o‘tish;
🔹tadbirkorlikni rivojlantirish hamda inklyuziv o‘sishni qo‘llab-quvvatlash;
🔹 raqamli transformatsiyani jadallashtirish.
Konferensiya yakunida vazirlik tizimi vakillari, oliy ta’lim muassasalari hamda soha mutaxassislari tomonidan 2030-yilgacha mo‘ljallangan amaliy chora-tadbirlar rejasi ishlab chiqildi.