Jismoniy tarbiya va sportni ommalashtirish uchun yangi tashabbuslarga start berildi
2026-04-22 14:00:00 / Vazirlik yangiliklari
2026-yil 7-aprel kuni Prezidentimiz raisligida oʻtkazilgan videoselektor yigʻilishida belgilangan ustuvor vazifalar ijrosini taʼminlash maqsadida tashkil etilgan o'quv-amaliy seminarida Oliy taʼlim, fan va innovatsiyalar vaziri Qoʻngʻirotboy Sharipov, Sport vaziri Adham Ikramov hamda Surxondaryo viloyati hokimi Ulugʻbek Qosimov ishtirok etishdi.
Yig'ilishda jismoniy tarbiya va sportni oliy taʼlim tizimi bilan uzviy bogʻlash, talabalar oʻrtasida sogʻlom va faol hayot tarzini shakllantirish, sport infratuzilmasini rivojlantirish masalalari bugungi kunning ustuvor yoʻnalishlaridan ekani alohida qayd etildi.
Anjuman oliy taʼlim muassasalari rahbarlari uchun:
🔘 ilgʻor tajribalarni almashish;
🔘 sport sohasidagi islohotlarni chuqurlashtirish;
🔘 zamonaviy boshqaruv yondashuvlarini joriy etish;
🔘 sogʻlom turmush tarzini keng targʻib qilishga xizmat qiladi.
Seminar yakunida prezidentimiz tomonidan belgilangan topshiriqlar ijrosini taʼminlash, ilgʻor tajribalarni ommalashtirish hamda hududlar kesimida amaliy natijalarga erishish yuzasidan taklif va tashabbuslar muhokama qilinib, zarur chora-tadbirlar belgilab olindi.