Yoshlar bilan ochiq muloqot: vazir Namangan davlat texnika universiteti talabalari bilan uchrashdi
2026-04-16 19:55:00 / Vazirlik yangiliklari
Muloqot davomida talabalar tomonidan ta’lim sifati, amaliyot bazalarini kengaytirish, innovatsion loyihalarni qo‘llab-quvvatlash hamda zamonaviy laboratoriyalarni rivojlantirishga oid qator masalalar ko‘tarildi. Vazir har bir murojaatni alohida e’tibor bilan tinglab, sohadagi islohotlar doirasida amalga oshirilayotgan ishlar yuzasidan batafsil ma’lumot berdi.
Shuningdek, uchrashuvda yoshlarning ilmiy izlanishlari va startap tashabbuslarini qo‘llab-quvvatlash, ularni xalqaro loyihalarga jalb etish hamda amaliy ko‘nikmalarni oshirishga qaratilgan tizimli chora-tadbirlar muhimligi ta’kidlandi.
Yakunda vazir talabalar bilan ochiq muloqotlar muntazam davom etishini, yoshlarning tashabbuslari esa har doim davlat siyosatining ustuvor yo‘nalishlaridan biri bo‘lib qolishini qayd etdi. Uchrashuv talabalar va mutasaddilar uchun ochiq fikr almashuv maydoni bo‘lib xizmat qildi.