Yangi farmon mohiyati va tizimdagi islohotlar ijrosiga bagʻishlangan matbuot anjumani oʻtkaziladi
2026-03-31 09:55:00 / E’lonlar
👥 Tadbirda Oliy taʼlim, fan va innovatsiyalar vaziri Qoʻngʻirotboy Sharipov, vazirlik huzuridagi Innovatsion rivojlanish hamda Bilim va malakalarni baholash agentliklari rahbariyati, soha mutaxassislari, shuningdek, ommaviy axborot vositalari va jamoatchilik vakillari ishtirok etadi.
📨 Tadbir davomida OAV va jamoatchilik vakillariga quyidagi masalalar yuzasidan maʼlumot beriladi:
➡️2026-yilning 1-choragi davomida Prezident, Prezident Administratsiyasi hamda hukumat hujjatlarida oliy taʼlim, ilm-fan va innovatsiyalar sohasi boʻyicha belgilangan topshiriqlarning ijro holati;
➡️Prezidentimiz tomonidan yangi imzolangan “Oliy taʼlim, fan va innovatsiyalar tizimini takomillashtirishning qoʻshimcha chora-tadbirlari toʻgʻrisida” 2026-yil 10-apreldagi PF-58-son farmonining mamlakatimiz ilmiy salohiyatini oshirish va oliy taʼlim sifatini yangi bosqichga olib chiqishdagi ahamiyati;
➡️Taʼlim va ishlab chiqarish integratsiyasi hamda innovatsion iqtisodiyotga oʻtishni jadallashtirish boʻyicha oldinda turgan ustuvor vazifalar.
❔ Anjuman soʻnggida jurnalistlar va blogerlar oʻzlarini qiziqtirgan barcha savollarga soha rahbarlaridan toʻgʻridan toʻgʻri javob olishlari mumkin boʻladi.