Xorijiy malaka oshirish va stajirovka dasturlarini tashkil etish bo‘yicha hamkorlik taklifi
2026-04-06 10:00:00 / E’lonlar
- Axborot tizimlari va texnologiyalari
- Dasturiy injiniring
- Kompyuter injiniringi
- Kimyo muhandisligi
- Energetika muhandisligi
- Elektr muhandisligi
- Elektronika va asbobsozlik
- Texnologik jarayonlar va ishlab chiqarishni avtomatlashtirish
- Mexatronika va robototexnika
- Metallar texnologiyalari
- Transport vositalari muhandisligi
- Mexanika muhandisligi
- Yengil sanoat muhandisligi
- Neft va gaz ishi
- Kommunal infratuzilmani tashkil etish va boshqarish
- Qurilish muhandisligi
- Qishloq xoʻjaligini mexanizatsiyalashtirish
- Logistika.
Ma’lumot uchun: xorijiy stajirovka dasturlarini G‘arbiy va Shimoliy Yevropa, Shimoliy Amerika va Osiyoning rivojlangan mamlakatlarida tashkil etish maqsadga muvofiq.
Dasturlarga qo‘yiladigan asosiy talablar
Taklif etiladigan malak oshirish va stajirovka dasturlari:
- pedagogik va amaliy ko‘nikmalarni rivojlantirishga yo‘naltirilgan bo‘lishi;
- dual ta’lim va TVET (Technical and Vocational Education and Training) elementlarini o‘z ichiga olishi;
- nufuzli davlat ta’lim tashkilotlari yoki korxonalari tomonidan amalga oshirilishi;
- yakunda sertifikat yoki tasdiqlovchi hujjat berilishini nazarda tutishi lozim.
Dastur quyidagi tarkibiy qismlarni o‘z ichiga olishi maqsadga muvofiq:
- zamonaviy o‘qitish metodikalari va innovatsion pedagogik yondashuvlar;
- laboratoriya mashg‘ulotlari va ishlab chiqarish jarayonlarida amaliy ishtirok;
- treninglar, seminarlar va master-klasslar;
- o‘quv dasturlarini takomillashtirish bo‘yicha workshoplar;
- ilg‘or texnologiyalar bilan ishlash bo‘yicha amaliy ko‘nikmalar.
Taklif etiladigan dasturlar gibrid (onlayn va oflayn shakl) yoki oflayn formatda qisqa muddatli (5–10 kunlik) va o‘rta muddatli (2–4 hafta) bo‘lishi mumkin.
Dastur yakunida ishtirokchilardan kutilayotgan natijalar:
- o‘z ta’lim muassasalarida joriy etish uchun amaliy loyiha ishlab chiqadi;
- o‘zlashtirilgan bilim va tajriba bo‘yicha hisobot taqdim etadi;
- hamkasblari uchun treninglar tashkil etadi (training of trainers);
- ta’lim sifatini oshirishga xizmat qiluvchi yangi yondashuvlarni joriy etadi.
Hamkor tashkilotlar uchun quyidagi imkoniyatlar yaratiladi:
- O‘zbekiston ta’lim tizimi bilan hamkorlikni kengaytirish;
- Kasbiy ta’lim bo‘yicha qo‘shma ta’lim loyihalarni amalga oshirish;
- yangi bozor va hamkorlik aloqalarini rivojlantirish;
- potensial o‘quvchilar va kadrlar bazasiga kirish imkoniyati;
- xalqaro grant va dasturlarda hamkorlikda ishtirok etish.
Moliyaviy, tashkiliy hamda dasturga oid boshqa shartlar ikki tomonlama muzokaralar davomida kelishib olinadi.
Hamkorlikka qiziqish bildirgan tashkilotlar quyidagi ma’lumotlarni taqdim etishlari so‘raladi:
- tashkilot haqida umumiy ma’lumot;
- taklif etilayotgan dastur tavsifi;
- mas’ul aloqa shaxsi;
- aloqa ma’lumotlari.
Ma’lumotlar quyidagi elektron pochta manziliga yuborilishi mumkin:
📧 devonxona@kasbedu.uz
Taqdim etilgan arizalar asosida Agentlik tomonidan hamkorlik uchrashuvlari tashkil etiladi.