Yigʻilishning kun tartibiga  koʻra Kuzatuv kengashi tarkibini yangilash masalasi koʻrib chiqildi. Shuningdek, universitet tashkiliy tuzilmasini takomillashtirishga qaratilgan muhim qarorlar qabul qilindi. Jumladan, mavjud fakultetlar negizida yangi, ixtisoslashgan taʼlim yoʻnalishlari shakllantirilib, taʼlim sifati va ilmiy salohiyatni oshirishga xizmat qiluvchi yangi fakultetlar tashkil etish masalasi koʻrib chiqildi.

Yigʻilishda oliygohning moliyaviy barqarorligini taʼminlash masalalariga ham alohida eʼtibor qaratildi. 2025-yil natijalari tahlil qilinib, 2026-yil uchun biznes reja, daromad va xarajatlar parametrlari tasdiqlandi. Ushbu rejalar universitetning iqtisodiy mustaqilligi va barqaror rivojlanishini taʼminlashga qaratilgani qayd etildi.

Yigʻilish yakunida taʼkidlanganidek, qabul qilingan qarorlar universitetni yangi bosqichga olib chiqish, taʼlim sifati va boshqaruv samaradorligini oshirishda muhim ahamiyat kasb etadi.