“Yangi O‘zbekiston talabalar Olimpiadasi” sport musobaqalarini o‘tkazish yuzasidan o‘quv seminari bo‘lib o‘tmoqda
2026-03-12 13:00:00 / Vazirlik yangiliklari
Seminarda Sport vaziri Adkham Ikramov, hamkor vazirlik va idoralar vakillari, respublikamizdagi oliy ta’lim tashkilotlari sport klub rahbarlari va o‘rinbosarlari ishtirok etmoqda. Xabaringiz bor, muhtaram Prezidentimizning joriy yil 24-fevral kuni yoshlar bilan ularning tashabbuslarini qo‘llab-quvvatlashga bag‘ishlangan muloqoti bo‘lib o‘tgan edi.
Ushbu muloqot davomida belgilangan vazifalardan kelib chiqqan holda o‘quv seminarida Sport vazirligi va tegishli vazirlik, idoralar bilan hamkorlikda joriy yilda ilk marotaba 3 bocqichda tashkil etiladigan sport musobaqalari, xususan “Besh tashabbus olimpiadasi”, “Yangi O‘zbekiston talabalari Olimpiadasi” hamda “Talabalar ligasi” sport musobaqalariga yurtimizda faoliyat ko‘rsatayotgan davlat, nodavlat hamda xorijiy oliy ta’lim tashkilotlari talabalarini qamrab olish masalalari muhokama qilindi.
“Yangi O‘zbekiston talabalari olimpiadasi” doirasida musobaqalar 7 ta sport turi bo‘yicha tashkil etiladi. Mazkur sport musobaqalari talaba-yoshlar o‘rtasida sog‘lom turmush tarzini targ‘ib etish, ularning sportga bo‘lgan qiziqishlarini oshirish hamda iqtidorli sportchilarni aniqlashga xizmat qiladi.
Ushbu o‘quv seminari 14-mart kuniga qadar davom etadi.