O‘zbekiston Respublikasi Oliy taʼlim, fan va innovatsiyalar vazirligi

Tashrifdan maqsad — Prezident Shavkat Mirziyoyevning 24-fevral kuni yoshlar bilan oʻtkazgan muloqoti davomida oliy taʼlim muassasalari bitiruvchilari va talabalari uchun belgilangan imkoniyatlar, imtiyozlar va shart-sharoitlarning mazmun-mohiyatini talabalarga bevosita yetkazishdan iborat boʻldi.

Talabalar bilan boʻlib oʻtgan ochiq muloqot davomida Oʻktam Salomov startap-loyihalarni amalga oshirish, innovatsion gʻoyalarni hayotga tatbiq etish mexanizmlari, shuningdek yoshlarning tashabbus va takliflari ishlab chiqarishni rivojlantirishda muhim ahamiyat kasb etishi haqida atroflicha fikr bildirdi. Taʼkidlanganidek, talabalarning ilmiy va amaliy gʻoyalari sanoat tarmoqlarini modernizatsiya qilish, yangi texnologiyalarni joriy etish va iqtisodiyotni rivojlantirishda muhim omil boʻlib xizmat qiladi.

Suhbat ochiq va samimiy dialog ruhida oʻtdi. Talabalar taʼlim, ilmiy faoliyat, startaplarni moliyalashtirish, ishga joylashish imkoniyatlari hamda davlat tomonidan yaratilayotgan imtiyozlar yuzasidan oʻzlarini qiziqtirgan savollarga javob oldilar.

Tashrif doirasida vazir oʻrinbosari filialdagi ilmiy laboratoriyalar faoliyati bilan ham tanishdi. Jumladan, laboratoriyalarning zamonaviy uskunalar bilan jihozlangani, ularda amalga oshirilayotgan ilmiy tadqiqotlar va innovatsion ishlanmalar bilan yaqindan tanishildi.

Uchrashuv yakunida universitet talabalari va yosh tadqiqotchilari bunday uchrashuvlarni muntazam ravishda tashkil etish muhimligini taʼkidlab, yuqori martabali mehmon bilan muloqotlar davomiy boʻlishini soʻrab qoldilar.