Toshkent davlat texnika universiteti talabalari “og‘ir” mahallalarning zamonaviy master-rejalarini ishlab chiqishda faol ishtirok etmoqda
2026-02-27 21:00:00 / Vazirlik yangiliklari
Mazkur topshiriqlar ijrosini ta’minlash, mahallalar qiyofasini yangilash, infratuzilmani takomillashtirish hamda zamonaviy va barqaror master-rejalar ishlab chiqish jarayoniga talabalarni keng jalb etish maqsadida universitetning 4-bosqich iqtidorli talabalari orasidan ishchi guruhlar shakllantirildi.
Ishchi guruhlar energetika, gaz ta’minoti, kadastr, dizayn va iqtisodiyot yo‘nalishlarida tahsil olayotgan bitiruvchi bosqich talabalardan iborat bo‘lib, ularga tajribali professor-o‘qituvchilar A.A. Samanov va F.Y. Soatov rahbarlik qilmoqda.
Ishchi guruhlar tomonidan Karmana tumanidagi Ko‘hna Qo‘rg‘on mahallasi hamda Dehqonobod tumanidagi Yangi O‘zbekiston va Beshbuloq mahallalariga tashriflar amalga oshirildi.
O‘rganishlar jarayonida hududlarning mavjud infratuzilmasi, ijtimoiy-iqtisodiy holati, yo‘l va kommunikatsiya tarmoqlari, energiya samaradorligi hamda gaz ta’minoti darajasi atroflicha tahlil qilindi.
Tahlillar asosida yo‘l va muhandislik-kommunikatsiya tarmoqlarini modernizatsiya qilish, energiya tejamkor texnologiyalarni joriy etish, yashil hududlarni kengaytirish, ijtimoiy obyektlar faoliyatini yaxshilash hamda kichik biznes va tadbirkorlikni rivojlantirishga qaratilgan aniq taklif va konsepsiyalar ishlab chiqilmoqda.
Mazkur amaliy jarayonlar talabalarning nazariy bilimlarini real hududiy loyihalarda mustahkamlash, ularni hududlarni kompleks rivojlantirish jarayonlariga faol jalb etish hamda kelgusida yetuk va raqobatbardosh mutaxassis sifatida shakllanishiga xizmat qilmoqda.