Jarqo‘rg‘on tumanidagi quvonchli voqea — yana bir orzu ro‘yobga chiqmoqda!
2026-02-27 19:00:00 / Vazirlik yangiliklari
Uchrashuv jarayonida davlatimiz rahbari 2-guruh nogironi, iqtidorli o‘quvchi Feruza Jumagulova bilan suhbatlashib, uning orzu-intilishlari bilan qiziqdi. Feruza o‘zining Termiz davlat universiteti talabasi bo‘lish niyatini bildirar ekan, Prezidentimiz tashabbuslari bilan 2026–2027 o‘quv yilidan boshlab grant asosida o‘qishga qabul qilinishi belgilandi.
Mazkur xushxabar Prezident Administratsiyasi rahbarining ta’limni isloh qilish bo‘yicha o‘rinbosari Ilhom Sirajev, Oliy ta’lim, fan va innovatsiyalar vaziri Qo‘ng‘irotboy Sharipov, Maktabgacha va maktab ta’limi vaziri E’zozaxon Karimova, Abduqodir Toshqulov hamda viloyat mutasaddilari ishtirokida maktab jamoasi va Feruzaning oila a’zolariga yetkazildi.
Tadbir davomida Feruzaga sertifikat topshirilib, ezgu tilaklar bildirildi.
Inklyuziv ta’limga qaratilayotgan yuksak e’tibor tufayli Feruza kabi yoshlarning orzulari ro‘yobga chiqmoqda. Bu — Yangi O‘zbekistonda har bir yoshning bilim olishi va jamiyatda munosib o‘rin egallashi uchun yaratilayotgan keng imkoniyatlarning yana bir yorqin namunasidir.