Vazir Termiz davlat universitetida “Yoshlar kuni” tadbirlarida ishtirok etdi
2026-02-26 21:00:00 / Vazirlik yangiliklari
Tashrif davomida vazir talaba-yoshlar uchun yaratilayotgan shart-sharoitlar, ularning boʻsh vaqtlarini mazmunli tashkil etishga qaratilgan tashabbuslar bilan yaqindan tanishdi. Xususan, talaba-qizlar faol ishtirok etayotgan toʻgaraklar faoliyati koʻzdan kechirilib, yoshlar bilan ochiq va samimiy muloqot oʻtkazildi.
Shuningdek, tashrif yakunida universitet rektori va masʼul rahbarlar hamrohligida kampus hududidagi sport infratuzilmasi, zamonaviy moddiy-texnik baza hamda ilmiy tadqiqot markazi huzurida faoliyat yuritayotgan in-vitro laboratoriyasining imkoniyatlari bilan tanishildi.
Tadbirlar yakunida vazir talaba-yoshlar bilan bir dasturxon atrofida oʻtirib, ular bilan samimiy muloqot qildi, yoshlarning fikr va tashabbuslarini bevosita tingladi. Uchrashuv va muloqotlar davomida yoshlarning tashabbuslarini qoʻllab-quvvatlash, ularni ilm-fan, sport va ijodiy faoliyatga keng jalb etish masalalariga alohida eʼtibor qaratildi.