Professional taʼlim tizimida fan-taʼlim - ishlab chiqarish integratsiyasini rivojlantirish muammolariga bagʻishlangan anjuman boʻlib oʻtdi
2024-06-11 16:30:00 / Vazirlik yangiliklari
Tadbir ishtirokchilari professional taʼlim tizimidagi huquqiy asoslarining takomillashishi, fan-taʼlim-ishlab chiqarish integratsiyasini taʼminlashda xalqaro tajriba, muammolar va istiqbollar, professional taʼlim muassasalarining taʼlim dasturlarini xorijiy tajribalar asosida takomillashtirish mavzusida oʻz maʼruzalari bilan qatnashdilar.
Tadbir davomida oʻtgan davr mobaynida sohada amalga oshirilgan ishlar tahlili, mahalliy davlat hokimiyati, xususiy biznes sektori va taʼlim muassasalari bilan ijtimoiy sheriklik mexanizmi, xususiy korxonalarning professional taʼlim muassasalarini qoʻllab-quvvatlashga iqtisodiy qiziqishi, kichik biznes vakillarining ishlab chiqarish amaliyotini tashkil etishda boʻsh ish oʻrinlarini yaratish bilan bogʻliq masalalar, ularning yechimi boʻyicha taklif va mulohazalar muhokama qilindi.
Soʻng anjuman oʻz ishini shoʻbalarga boʻlingan holda davom ettirdi. Ularda tizimida fan-taʼlim-ishlab chiqarish integratsiyasini rivojlantirish, professional taʼlim muassasalarining zamonaviy qiyofasini (imidjini) yaratish, dual taʼlimda oʻqitish koʻlamini rivojlantirish, taʼlim dasturlarini xalqaro tajribalar asosida takomillashtirish, inklyuzivlik, gender tenglik, raqamlashtirish va ekotizim masalalar boʻyicha fikr almashildi.
Anjuman yakunida professional taʼlim tizimida fan-taʼlim - ishlab chiqarish integratsiyasini rivojlantirish va uning samaradorligini oshirish boʻyicha xulosalar chiqarildi.