“TIQXMMI” Milliy tadqiqot universiteti QS agentligining dunyo top-550 universitetlari reytingida
2024-06-05 14:15:00 / Vazirlik yangiliklari
“TIQXMMI” Milliy tadqiqot universiteti “QS Quacquarelli Symonds” xalqaro reyting agentligi metodologiyasining toʻqqiz koʻrsatkichidan oltitasida yuqori koʻrsatkichlarni namoyon etdi. “Akademik nufuz” koʻrsatkichi boʻyicha dunyoning eng yaxshi 300 ta oliy oʻquv yurtlari qatoriga va Markaziy Osiyodagi eng yaxshi universitetlar uchligiga kirdi.
Xususan, reytingning “Oʻqituvchi–talaba nisbati” koʻrsatkichi (144-oʻrin) boʻyicha dunyoning 200 ta eng yaxshi universitetlari qatoridan joy oldi. Bu universitetdagi oʻqitish sifati yuqoriligi va talabalar uchun taʼlim resurslari yetarli ekani dalolatidir. “Akademik obroʻ” indikatorida esa TIIIMSH 290-oʻrinni egallab, Markaziy Osiyo mintaqasida uchinchi oʻringa sazovor boʻldi “Ish beruvchilar oʻrtasidagi nufuzi” indikatori boʻyicha 456-oʻrinni oldi.
“QS Quacquarelli Symonds” global oliy taʼlim sektori uchun xizmatlar, tadqiqot va tahlillar taqdim etuvchi dunyodagi yetakchi reyting agentligi boʻlib, universitetlar samaradorligini qiyosiy taqqoslash orqali maʼlumotlar taqdim etuvchi dunyodagi eng mashhur manba hisoblanadi. 2023 yilda agentlikning nufuzli www.TopUniversities.com veb-sayti 170 million marta koʻrilgan va ushbu saytdan olingan maʼlumotlar 124 000 dan ortiq axborot agentligi va nashrlarda chop etilgan.