Prokuratura xodimlari uchun amaliy seminar tashkil etildi
2026-02-03 20:00:00 / Vazirlik yangiliklari
Mazkur seminarda Bosh prokuratura hamda viloyatlar prokuraturalari huzuridagi yoqilgʻi-energetika sohasida qonunchilik ijrosi ustidan nazorat boʻlimlari masʼullari, shuningdek, “Oʻzenergoinspeksiya”, “Hududiy elektr tarmoqlari” AJ va “Hududgaztaʼminot” AJ mutaxassislari ishtirok etdi.
Seminar doirasida ishtirokchilar “Hududiy elektr tarmoqlari” AJning Elektr energiyasini hisobga olishni avtomatlashtirish markazi, Oʻzgidroenergo AJ hamda “Hududgaztaʼminot” AJning Vaziyatlar markazlarida boʻlib, zamonaviy avtomatlashtirilgan tizimlarning imkoniyatlari va ish jarayonlari bilan yaqindan tanishdilar.
Shu bilan birga, elektr energiyasini ishlab chiqarish, isteʼmolchilarga elektr energiyasi hamda suyultirilgan gaz yetkazib berish yoʻnalishlarida amalga oshirilayotgan islohotlar, xususan joriy etilgan yangi tizimlarning afzalliklari va amaliy imkoniyatlari haqida batafsil maʼlumot berildi.
Seminar yakunida Oliy taʼlim, fan va innovatsiyalar Energiya samaradorligi va taʼlim–ishlab chiqarish integratsiyasini rivojlantirish boshqarmasi boshligʻi Abdusaid Isaqov “Energetika xavfsizligi — iqtisodiyot barqarorligini taʼminlashning poydevori” mavzusida maʼruza qildi.