Yakunda ilmiy-innovatsion soha hamda oliy texnik ta’lim yo‘nalishida o‘zaro aloqalarni kengaytirish borasida ikki davlat muhandislik-texnika oliy ta’lim muassasalari o‘rtasida hamkorlik yuzasidan 40 ga yaqin shartnoma imzolandi.
 
Qayd etilganidek, Rossiya va O‘zbekiston ta’lim makonining izchil uyg‘unlashuvi va integratsiyalashuvi, fuqarolarning intellektual va ijodiy salohiyati rivojlanib borayotganini har ikki mamlakat uchun manfaatlidir. 

Kadrlar tayyorlash bo‘yicha qo‘shma ta’lim dasturlari, universitetlararo ta’lim va ilmiy loyihalar, pedagog kadrlar malakasini oshirish dasturlari amalga oshirilayotgani, qo‘shma forum va anjumanlarning muntazam o‘tkazib borilayotgani hamkorligimiz faolligi va tizimliligini yaqqol namoyon etmoqda, – dedi Qo‘ng‘irotboy Sharipov.