Oʻzbekistonning Germaniya, Fransiya va Vengriyadagi elchilari bilan uchrashuv oʻtkazildi
2026-01-24 18:45:00 / Vazirlik yangiliklari

Uchrashuv chogʻida elchilar faoliyat olib borayotgan davlatlar bilan oliy va kasbiy taʼlim, ilm-fan hamda innovatsiyalar sohalarida hamkorlikni yanada chuqurlashtirish masalalari atroflicha muhokama qilindi. Tomonlar taʼlim tizimini modernizatsiya qilish, qoʻshma taʼlim dasturlarini joriy etish, akademik va ilmiy almashinuvni kengaytirish, ilmiy-tadqiqot loyihalarini amalga oshirish yoʻnalishlarida mavjud imkoniyatlar va istiqbolli tashabbuslar yuzasidan fikr almashdilar.
Shuningdek, taʼlim va innovatsiyalar sohasida ilgʻor xorijiy tajribani joriy etish, universitetlar va ilmiy markazlar oʻrtasida toʻgʻridan-toʻgʻri hamkorlikni rivojlantirish, professor-oʻqituvchilar hamda yosh tadqiqotchilar salohiyatini oshirishga qaratilgan qoʻshma loyihalarni qoʻllab-quvvatlash masalalariga alohida eʼtibor qaratildi.
Uchrashuv yakunida tomonlar taʼlim, ilm-fan va innovatsiyalar sohalarida oʻzaro manfaatli hamkorlikni yangi bosqichga olib chiqishga xizmat qiladigan aniq tashabbuslar va amaliy mexanizmlarni belgilab olish boʻyicha kelishib oldilar.






