“Kelajakka qadam” dasturi doirasidagi dolzarb masalalar muhokama qilindi
2025-12-25 18:00:00 / Vazirlik yangiliklari
Uchrashuv davomida bitiruvchilarni korxona va tashkilotlarga amaliyotga yo‘naltirish, amaliyot shartnomalarini belgilangan tartibda rasmiylashtirish hamda amaliyot jarayonlarini moliyalashtirish masalalari atroflicha muhokama qilindi. Ushbu jarayonlarni zamonaviy raqamli platforma orqali amalga oshirish bo‘yicha kelishuvlarga erishildi.
Shuningdek, eng yaxshi startap va innovatsion loyihalarni qo‘llab-quvvatlash, grant mablag‘larini taqdim etish jarayonlarini raqamlashtirish masalalariga ham alohida e’tibor qaratildi.
Mazkur dastur va tashabbuslar bitiruvchilarning mehnat bozoriga moslashuvi, ularning bandligini oshirish hamda amaliy ko‘nikmalarini rivojlantirishda muhim ahamiyat kasb etadi.
Shu bilan birga, oliy ta’lim tashkilotlari prorektorlari ishtirokida yig‘ilish o‘tkazilib, unda talabalarning bandlik holati hamda tyutorlar faoliyatining samaradorligi muhokama qilindi. Yig‘ilish davomida “Karyera” elektron platformasi hamda tyutorlar faoliyatini raqamlashtirishga qaratilgan “Tyutor HEMIS” axborot tizimlaridan samarali foydalanish bo‘yicha batafsil tushuntirishlar berildi.