O‘zbekiston Respublikasi Oliy taʼlim, fan va innovatsiyalar vazirligi

Tadbirda Oʻzbekiston Respublikasi Oliy taʼlim, fan va innovatsiyalar vazirligi vakillari, shuningdek, respublikamizning toʻqimachilik sohasidagi yetakchi oliy taʼlim muassasalari hamda ilmiy-tadqiqot institutlaridan iborat delegatsiya ishtirok etdi. Markaziy Osiyo tomoni vakili sifatida Toshkent toʻqimachilik va yengil sanoat instituti prorektori Baxtiyor Nasimov qoʻshma laboratoriya direktori lavozimiga tayinlandi.

Marosim doirasida Xitoy va Markaziy Osiyo toʻqimachilik universitetlari oʻrtasida hamkorlikni yanada mustahkamlash, qoʻshma ilmiy laboratoriya tashkil etishga qaratilgan rasmiy hujjatlar imzolandi hamda qator taqdimotlar oʻtkazildi. Shu bilan birga, soha mutaxassislarining ilmiy maʼruzalari tinglanib, keng qamrovli akademik muhokamalar tashkil etildi.

Shuningdek, “Bir makon, bir yoʻl” tashabbusi doirasida ipak sohasida taʼlim, texnologiyalar va kadrlar tayyorlash boʻyicha Hamkorlik assotsiatsiyasini tashkil etish rejalashtirilmoqda. Bu format yetakchi universitetlar, ilmiy-tadqiqot markazlari va sanoat korxonalari oʻrtasida samarali muloqot uchun noyob sinergik platformani yaratib, barcha ishtirokchilarning uygʻun rivojlanishiga xizmat qiladi.

Qayd etilishicha, qoʻshma laboratoriya innovatsion texnologiyalar sohasida faoliyat olib boradi, tadqiqotchilar va talabalar uchun ilgʻor ilmiy loyihalarda ishtirok etish, tajriba almashish hamda yangi ilmiy yechimlarni ishlab chiqish imkoniyatlarini kengaytirishi bilan ahamiyatlidir.