Oliy taʼlim muassasalari rivoji va istiqbol rejalari muhokama markazida
2025-12-22 16:05:00 / Vazirlik yangiliklari
Muhokamada Toshkent farmatsevtika institutining farmatsevtika taʼlimi va ilmiy tadqiqotlarni amaliyot bilan uygʻunlashtirish borasidagi ishlari, Toshkent davlat tibbiyot universitetining tibbiyot kadrlarini tayyorlash sifati va klinik taʼlimni rivojlantirishga qaratilgan tashabbuslari alohida tahlil qilindi.
Shuningdek, sanoat ehtiyojlariga yoʻnaltirilgan mutaxassislar tayyorlashda muhim oʻrin tutayotgan Toshkent kimyo texnologiyalar instituti Yangiyer filiali faoliyati hamda chet tillari taʼlimi, xalqaro hamkorlik va akademik mobillikni kengaytirishda yetakchilardan biri boʻlgan Samarqand davlat chet tillari institutining kelgusi rivojlanish rejalari yuzasidan fikr almashildi.
Muhokama davomida . Har bir oliygoh faoliyati taʼlim sifati, ilmiy tadqiqotlar, xalqaro hamkorlik, raqamlashtirish va amaliy yoʻnaltirilgan tayyorgarlik nuqtayi nazaridan alohida tahlil etildi, joriy yilda erishgan natijalari va 2026-yilga moʻljallangan strategik maqsadlari atroflicha koʻrib chiqildi
Muhokamalar yakunida oliy taʼlim muassasalari faoliyati samaradorligini oshirish, ilmiy va taʼlim jarayonlarini uygʻunlashtirish, xalqaro standartlar asosida raqobatbardosh kadrlar tayyorlash boʻyicha aniq vazifalar belgilab olindi.