O‘zbekiston Respublikasi Oliy taʼlim, fan va innovatsiyalar vazirligi

12-dekabr kuni O‘zbekiston Respublikasi Oliy ta’lim, fan va innovatsiyalar vazirligi hamda Tashqi ishlar vazirligi hamkorligida Toshkent davlat iqtisodiyot universitetida “Yevropa Ittifoqi — O‘zbekiston: Qo‘shma tadqiqot salohiyatini rivojlantirish — YEI Hamkorlik kuni” konferensiyasi o‘tkazildi. Konferensiya ishini Oliy ta’lim, fan va innovatsiyalar vazirining birinchi o‘rinbosari doktor Sardor Rajabov, Yevropa Ittifoqining O‘zbekiston Respublikasidagi Elchisi Toivo Klaar va Tashqi ishlar vaziri maslahatchisi Munira Aminova qutlov nutqlari bilan ochib berdilar.

 

Tadbirning asosiy maqsadi O‘zbekiston va Yevropa Ittifoqi ilmiy jamoalari o‘rtasidagi hamkorlikni mustahkamlash, qo‘shma tadqiqotlarni kengaytirish, akademik almashuv va ilmiy mobillikni rivojlantirishdan iboratdir. Konferensiyada Erasmus+, Horizon Europe hamda Marie Skłodowska-Curie Actions dasturlariga dasturlari doirasidagi imkoniyatlar hamda ulardan samarali foydalanish masalalariga alohida e’tibor qaratildi.

 

Tadbir doirasida Yevropa Ittifoqi tomonidan taqdim etiladigan ilmiy grantlar, qo‘shma tadqiqotlar va xalqaro loyihalarda ishtirok etish mexanizmlari batafsil tushuntirildi. Mutaxassislar Horizon Europe va Marie Curie dasturlariga ariza topshirish, grant olish, loyiha yuritish uchun zarur amaliy tavsiyalarni taqdim etdilar.

 

Tadbirda Yevropa Komissiyasi vakillari tomonidan maxsus taqdimotlar qilindi. DG Research and Innovation bo‘limidan Kremena Mileva “Horizon Europe: Collaborative Research, Pillar II” mavzusida ma’ruza qildi. Research Executive Agency’ning tadqiqot dasturlari menejeri Diyeter Brigitta “Horizon Europe: From Proposal Submission to Grant Agreement Signature” mavzusida grantlarni yutish jarayoni bo‘yicha amaliy maslahatlar berdi. DG Education and Culture bo‘limidan Dora Szifra “Horizon Europe: MSCA, Pillar I” mavzusida Mariya Kyuri dasturi imkoniyatlarini ochib berdi.

 

Yevropa Komissiyasining ta’lim va madaniyat bo‘limidan Sara Tagliabrachchi Erasmus+ dasturining O‘zbekiston oliy ta’lim tizimi uchun ahamiyati va imkoniyatlari haqida so‘zladi. Shuningdek, TIIAME milliy tadqiqot universiteti professori Baxtiyor Karimov Horizon Yevropa doirasida amalga oshirilgan “Hydro4U” loyihasini taqdim etdi.

 

Konferensiya yakunlari O‘zbekiston va Yevropa Ittifoqi o‘rtasidagi ilmiy hamkorlikni yanada rivojlantirish, milliy olimlarni xalqaro tadqiqotlar va innovatsiyalar tarmog‘iga keng jalb qilish, Horizon Europe va Erasmus+ dasturlarining imkoniyatlaridan samarali foydalanishga xizmat qiladi. Tadbir mamlakatimiz ilm-fanining global miqyosda tanilishi uchun muhim platforma bo‘ldi.