Yana bir guruh o‘zbek mutaxassislari kasbiy ta’lim hamkorligi doirasida Xitoyda malaka oshirmoqda
2025-12-10 09:00:00 / Vazirlik yangiliklari
Mazkur malaka oshirish dasturida ishtirok etish uchun O‘zbekistonning Andijon, Sirdaryo, Namangan, Toshkent viloyatlari hamda Toshkent shahridagi tibbiyot yo‘nalishidagi texnikumlardan 10 nafar malakali mutaxassis saralandi.
Seminar zamonaviy tibbiyot ta’limi, ilg‘or diagnostika usullari, amaliy klinik ko‘nikmalar hamda xalqaro tajribalarni o‘rganishga qaratilgan bo‘lib, mutaxassislarning malakasini oshirish, o‘quv jarayonlariga yangi yondashuvlarni joriy etish hamda ikki davlat o‘rtasida kasbiy ta’lim sohasidagi hamkorlikni yanada mustahkamlashga xizmat qiladi.
O‘zbekiston-Xitoy o‘rtasidagi ushbu amaliy hamkorlik kelgusida o‘quv dasturlarini boyitish, pedagog va mutaxassislar malakasini oshirish bo‘yicha qo‘shma tashabbuslarni kengaytirish imkonini beradi.