O‘zbekiston Respublikasi Oliy taʼlim, fan va innovatsiyalar vazirligi

Uchrashuvda Ispaniyaning Valensiya politexnika universiteti, Italiyaning Kassino universiteti, Kipr universiteti, shuningdek, O‘zbekistondan Oliy ta’lim, fan va innovatsiyalar vazirligi, Farg‘ona davlat texnika universiteti, “TIQXMMI” Milliy tadqiqot universiteti, Buxoro davlat universiteti, Xalqaro qishloq xo‘jaligi universiteti, Buxoro davlat texnika universiteti, Qozog‘istondan Qozog‘iston milliy universiteti, Kokshetau universiteti, Qozoq-turk xalqaro universiteti hamda Markaziy Osiyo hududiy ekologiya markazi (CAREC) vakillari ishtirok etdi.

Tadbir davomida Qozog‘istondagi ERASMUS+ ofisi koordinatori Laura Paluanova loyiha Yevropa Ittifoqi va Markaziy Osiyo davlatlari o‘rtasida oliy ta’lim samaradorligini oshirishga xizmat qilayotgan muhim tashabbuslardan biri ekanini ta’kidladi.
Loyiha koordinatori Xavyer Rodrigo-Ilarri esa ishtirokchilar o‘rtasidagi tizimli hamkorlik loyiha natijalarining barqarorligini ta’minlashda muhim ahamiyat kasb etishini qayd etdi.

Uchrashuv davomida loyiha ishchi paketlari doirasidagi vazifalar — sifatni ta’minlash, ta’lim modullarini ishlab chiqish, onlayn instrumentlarni yaratish hamda natijalarni keng jamoatchilikka targ‘ib etish masalalari muhokama qilindi.

Muhokamalar yakunida loyiha bo‘yicha oraliq natijalar sarhisob qilinib, 2026-yil uchun rejalashtirilgan faoliyat yo‘nalishlari belgilab olindi.

Tadbirda Oliy ta’lim, fan va innovatsiyalar vazirligi mas’ullari Ulug‘bek Xodiyev va G‘ayrat Abdiyev faol ishtirok etdi.