“Barkamol avlod – 2025” sport musobaqalarining yengil atletika yo‘nalishi bo‘yicha respublika final bosqichi boshlandi
2025-12-03 14:05:00 / Vazirlik yangiliklari
Jizzax viloyatidagi Olimpiya va paralimpiya sport turlariga tayyorlash markazining sport majmuasida “Barkamol avlod – 2025” sport musobaqalarining yengil atletika yo‘nalishi bo‘yicha respublika final bosqichi bo‘lib o‘tmoqda.
Musobaqaning tantanali ochilish marosimida O‘zbekiston talabalar sporti assotsiatsiyasi mas’ullari, viloyat sektor rahbarlari, soha mutasaddilari hamda sport jamoatchiligi vakillari ishtirok etdilar.
Musobaqada respublikaning barcha hududlaridan kelgan akademik litseylar hamda kasbiy ta’lim muassasalari o‘quvchi-yoshlari yugurish, sakrash va uloqtirish kabi yo‘nalishlarda g‘oliblik uchun raqobat olib bormoqda.
Turnir davomida ishtirokchilar har bir soniya, har bir natija uchun kurashib, o‘z hududi sharafini munosib himoya qilmoqda.