Vazir SamDAQUning yangi oʻquv binosida boʻldi
2025-11-26 16:00:00 / Vazirlik yangiliklari
Tashrif davomida vazir yangi infratuzilma, oʻquv jarayoni uchun yaratilgan zamonaviy shart-sharoitlar, ilmiy muhit va professor-oʻqituvchilar hamda talabalar uchun imkoniyatlar bilan tanishdi. Shuningdek, talaba-yoshlar bilan suhbat oʻtkazilib, ularning fikr va takliflari tinglandi.
Universitetning yangi binosi 0,7 gektar hududda barpo etilgan boʻlib, umumiy maydoni 27 853 kvadrat metrni tashkil qiladi. Bino 6 qavatdan iborat va 104 ta oʻquv xonasi, oshxona, faollar zali hamda350 oʻrinli kutubxonani oʻz ichiga oladi.
Yertoʻla qismida 20 dan ortiq zamonaviy laboratoriyalar hamda qurilish jarayonini bosqichma-bosqich namoyish etuvchi “showroom” tashkil etilgan. Shuningdek, maketlar zali, dizayn va lazer ustaxonalari, ergonomik kompyuter xonalari, akustik talablarga mos amfiteatr, zamonaviy oshxona va koʻrgazmalar zali faoliyat koʻrsatadi.
Kutubxona va talabalarning mustaqil ishlashi uchun ajratilgan erkin hududlarda zamonaviy axborot-resurs imkoniyatlari hamda qulay sharoitlar yaratilgan.