Sirdaryoda texnikum o‘quvchilarini bandligini ta’minlashda amaliy ishlar yo‘lga qo‘yildi
2025-11-22 17:00:00 / Vazirlik yangiliklari
Xususan, Mebelchilik yo‘nalishida “ECO WOOD PLUS” MCHJ bilan politexnikum hududida ishlab chiqarish ustaxonasi tashkil etilib, o‘quvchilar tomonidan 112 dona stul va 1 014 dona divan yostiqchalari ishlab chiqarildi.
Metallga ishlov berish yo‘nalishida esa “SADBARG PLUS” MCHJ bilan hamkorlik o‘rnatilib, 53 nafar o‘quvchi amaliy ishlarga jalb qilingan. Ular tomonidan 592 dona o‘quv partasi qismlari payvandlanib yig‘ilgan bo‘lib, o‘quvchilar kuniga o‘rtacha 50–80 ming so‘m daromad olmoqda.
Shuningdek, tikuvchilik yo‘nalishida ham “Nova Tex” MCHJ bilan dual ta’lim yo‘lga qo‘yilgan. Turkiyadan kelgan mutaxassislar politexnikumda 55 nafar qizga amaliy texnologiyalarni o‘rgatmoqda. O‘quvchilar o‘rtacha 2,2 million so‘m daromad qilmoqda, ular kunlik issiq ovqat bilan ta’minlangan.
Ushbu ishlar politexnikumda ta’lim jarayonini ishlab chiqarish bilan uyg‘unlashtirish, hudud sanoati uchun malakali mutaxassislar tayyorlash va bitiruvchilar bandligini ta’minlash imkoniyatlarini sezilarli darajada kengaytirmoqda.