Vazir OTM psixologlari bilan davra suhbati o‘tkazdi
2025-11-21 17:50:00 / Vazirlik yangiliklari
Unda talabalarning psixologik barqarorligi va psixologik xizmat samaradorligini oshirish masalalari muhokama qilindi.
Dastavval vazir 22-noyabr — Psixologlar kuni bilan yig‘ilganlarni tabriklab, ularning zahmatli mehnati yoshlarimizning jamiyatda o‘zligini kashf etishida muhim ahamiyat kasb etishini ta’kidladi.
Muloqotda respublikamiznimg 135 ta oliy ta’lim tashkilotida 93 nafar psixolog faoliyat yuritayotgani, biroq ayrim ta’lim muassasalarida talabalar bilan individual hamda tizimli ishlash borasida kuchliroq choralar ko‘rish zarurligi qayd etildi.
Shu sababli vazirlik tomonidan psixolog shtatlarini to‘ldirish, ular uchun muntazam o‘quv-seminarlar tashkil etish, psixologlar faoliyati samaradorligini baholash tizimini joriy etish va yoshlar bilan individual ishlashni kuchaytirish belgilandi.
Bu boradagi ishlarni yuqori saviyada tashkil etish bo‘yicha yig‘ilganlarning fikr-mulohazalari hamda takliflari tinglandi.