O‘zbekiston Respublikasi Oliy taʼlim, fan va innovatsiyalar vazirligi

Uchrashuvda ikki davlat o‘rtasida oliy ta’lim, ilmiy-tadqiqot, kadrlar tayyorlash va talaba hamda mutaxassislarning o‘zaro mobilligini rivojlantirish masalalari muhokama qilindi.

Tomonlar O‘zbekistonda oliy ta’lim tizimini modernizatsiya qilish, xalqaro standartlarni keng tatbiq etish, qo‘shma ilmiy loyihalarni qo‘llab-quvvatlash va moliyalashtirish mexanizmlarini kuchaytirish bo‘yicha fikr almashdilar.

Muloqot yakunida hozirgi kunda amalga oshirilayotgan 10 ta qo‘shma innovatsion loyihani qo‘llab-quvvatlash, kelgusida bunday loyihalar doirasini bosqichma-bosqich kengaytirish, energiya samaradorligi, biotexnologiya, raqamli texnologiyalar, Sanoat 4.0 va kiberxavfsizlik kabi ustuvor yo‘nalishlarda hamkorlikni faollashtirish bo‘yicha dastlabki kelishuvga erishildi.

Uchrashuv ikki mamlakat o‘rtasida ta’lim va ilmiy sohalardagi hamkorlikni amaliy mazmun bilan boyitish yo‘lidagi navbatdagi muhim qadam bo‘ldi.