Guliston davlat universitetida zamonaviy Axborot-resurs markazi foydalanishga topshirildi
2025-11-17 14:00:00 / Vazirlik yangiliklari
Mazkur ma’rifat markazining ishga tushirilishi tadbirida Sirdaryo viloyati hokimi Erkinjon Turdimov, Oliy ta’lim, fan va innovasiyalar vaziri Qo‘ng‘irotboy Sharipov, Sport vaziri Adham Ikromov, Guliston davlat universiteti rektori Muhsinjon Xodjiyev, Guliston davlat pedagogika instituti rektori Jahongir Qarshiboyev hamda jamoatchilik vakillari ishtirok etdi.
Viloyat rahbari E.Turdimov ushbu maskanda kitobxonlik tanlovlari, shu jumladan “Quvnoqlar va zukkolar” bellashuvlarini tashkil etish bo‘yicha taklif va tavsiyalar berdi.
Oliy ta’lim, fan va innovasiyalar vaziri Q.Sharipov Axborot-resurs markazining kutubxona fondini yangi adabiyotlar bilan boyitish, kitobxonlar uchun ichki interyer va jihozlarni takomillashtirish yuzasidan ko‘rsatmalar berdi.
Yangi ARM talabalarning ilmiy izlanishlari va va mustaqil o‘qishini qo‘llab-quvvatlaydi. Ushbu maskan ta’lim sifati va intellektual muhitni oshirishga xizmat qilib, yaratilgan zamonaviy sharoitlar yoshlarning bilimga bo‘lgan qiziqishini yanada kuchaytirishga xizmat qiladi.