“Yashil makon” loyihasi doirasida: vazirlik jamoasi ekologik hasharda faol ishtirok etdi
2025-11-08 13:00:00 / Vazirlik yangiliklari
Bugun Toshkent viloyatining Ohangaron tumanida Oliy ta’lim, fan va innovatsiyalar vazirligi hamda tizim tashkilotlari jamoasi tomonidan “Yashil makon” umummilliy loyihasi doirasida keng ko‘lamli hashar o‘tkazildi. Tadbir davomida asosiy yo‘l yoqalarida 1800 tupga yaqin manzarali daraxt ko‘chatlari ekildi.
Ekologik tashabbus erta tongdan xodimlarning faolligi va uyushqoqligi bilan boshlandi. Hashar jarayonida nafaqat yangi daraxtlar ekildi, balki mavjud yashil hududlar chiqindilardan tozalanib, obodonlashtirildi. Shuningdek, avval ekilgan daraxtlarga parvarish ishlari olib borildi.