Oliy ta’lim, fan va innovatsiyalar vazirining axborot-kommunikatsiya texnologiyalari bo‘yicha maslahatchisi Bobur Rahimov Namangan va Farg‘ona viloyatidagi oliy ta’lim muassasalarida raqamlashtirish bo‘yicha olib borilayotgan ishlar bilan tanishdi.

2023-yil yakunlariga ko‘ra raqamlashtirish sohasida olib borilayotgan ishlari ijobiy baholangan Namangan davlat universiteti hamda Farg‘ona politexnika institutining raqamlashtirish sohasidagi ijobiy tajribasini barcha OTM larda qo‘llash masalasi muhokama qilindi.

Vazir maslahatchisi ta’lim muassasalarida ta’lim va xizmatlarni raqamlashtirish, professor-o‘qituvchi va talabalar uchun qulayliklar yaratish va bosqichma-bosqich “SMART UNIVERSITY” tizimiga o‘tish bo‘yicha o‘z tavsiyalarini berdi hamda xodimlar tomonidan berilgan takliflarni tingladi.