Vazir oʻrinbosari Buxoroda qurilayotgan ikkita yotoqxona va sport majmuasida amalga oshirilayotgan ishlarni ko‘zdan kechirdi
2024-04-20 18:55:00 / Vazirlik yangiliklari
Dastlab, vazir o‘rinbosari Buxoro tumani Rabotkalmok MFY hududidagi Buxoro davlat universitetining Agronomiya va biotexnologiya fakultetida bo‘lib, talabalar turar joyi binosining qurilish-ta’mirlash ishlari bilan yaqindan tanishdi. Qayd etilganidek, davlat-xususiy sheriklik asosida barpo etilayotgan ushbu turar joy binosi 4 qavatli 400 o‘ringa mo‘ljallangan hamda joriy yil may oyida foydalanishga topshirilishi rejalashtirilgan.
Amaliy xizmat safari davomida S.Buzrukxonov Buxoro tabiiy resurslarni boshqarish institutida ham bo‘ldi. Viloyat mutasaddi rahbarlari bilan institut hududida 300 nafar tomoshabinni o‘z bag‘riga sig‘dira oladigan sport majmuasi hamda 5 qavat, 400 o‘rinli yotoqxonaning qurilish-ta’mirlash ishlari bilan tanishdi.
Vazir o‘rinbosari tomonidan qurilish ta’mirlash ishlarini o‘z muddatida, sifatli yakunlash yuzasidan mas’ullarga tegishli topshiriqlar berildi.