10-noyabr – O‘zbekistonda Ko‘chib yuruvchi hayvonlar kuni
2025-11-10 / Voqealar taqvimi
Bugungi kunda dunyodagi yovvoyi hayvonlarning har besh turidan biri yo‘qolib ketish xavfi ostida turibdi.
Shuningdek, mavjud turlarning 44 foizi populyatsiyasi kamayish tendensiyasini namoyon qilmoqda. Ushbu xavotirli jarayonlar global ekologik muvozanatga jiddiy ta’sir ko‘rsatmoqda.
O‘zbekiston ushbu yo‘nalishda xalqaro hamjamiyat bilan yaqindan hamkorlik qilib, Yovvoyi hayvonlarning ko‘chib yuruvchi turlari to‘g‘risidagi konvensiyani ratifikasiya qilgan.
Sana munosabati bilan oliy ta’lim muassasalarida “Ko‘chib yuruvchi hayvonlar kuni” mavzusiga bag‘ishlangan davra suhbatlari, master-klasslar va ma’rifiy uchrashuvlar tashkil etiladi. Tadbirlar davomida mutaxassislar tomonidan yo‘qolib borayotgan turlar, ularni saqlab qolishning zamonaviy usullari, tabiiy muhitni muhofaza qilishning ilmiy asoslari haqida talabalarga batafsil tushunchalar beriladi.