Bosh prokuror o‘rinbosari Bahriddin Valiyev Do'stlikda bo'ldi
2025-02-18 18:15:00 / Yangiliklar
O‘zbekiston Respublikasi Bosh prokurori o‘rinbosari Bahriddin Valiyev, viloyat prokurori Baxtiyor Ibragimov va viloyat Ichki ishlar boshqarmasi boshlig‘i Gʻayrat Qodirov hamrohligida Do‘stlik tumanining Gʻafur Gʻulom mahallasida bo‘lib, tuman sektor rahbarlari hamda "mahalla yettiligi" bilan uchrashdi.
Uchrashuvda Prezidentning “2025 yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha chora-tadbirlar to‘g‘risida”gi 03.01.2025 yildagi PQ-1-son qarori ijrosini ta’minlash maqsadida tumanda, xususan, Gʻafur Gʻulom mahallasida olib borilayotgan ishlar bilan tanishdi.
Bahriddin Valiyevga 2024 yildagi tumanda jinoyat va huquqbuzarlik ko‘rsatkichlari to‘g‘risida ma’lumotlar berildi.
Yig‘ilishda mahallalarda jinoyatchilik va huquqbuzarlikni erta aniqlash, ularni sodir etilishini oldin olish bo‘yicha tavsiyalar berildi. Bu borada hamjihatlikda ish olib borish kerakligi ta’kidlandi.