Pensiya faqat oylik maoshga qarab belgilanadimi?
2026-02-11 11:35:00 / Yangiliklar
Agar Siz o‘zini-o‘zi band qilgan shaxs sifatida ro‘yxatdan (https://my.gov.uz/uz/service/491) o‘tsangiz va belgilangan miqdorda ijtimoiy soliqni to‘lab borsangiz, har bir ijtimoiy soliq to‘lagan yil Sizga “ishlangan yil” sifatida mehnat stajiga hisoblanadi.
💬 Ma’lumot uchun: o‘zini o‘zi band qilgan shaxslarga bir yil uchun ijtimoiy soliq miqdori - bazaviy hisoblash miqdorining bir barobari (bugungi kunda 412 ming so‘m).
☝️ Eslatma: mazkur imkoniyat faqat o‘zini o‘zi band qilgan shaxslar uchun joriy etilgan.
✅ Buni amalga oshirish uchun ikki qadam kifoya.
🔢 Birinchi qadam. My.gov.uz platformasida onlayn shaklda yoki Davlat xizmatlari markazlariga borgan holda ro‘yxatdan o‘tiladi. Onlayn ro‘yxatdan o‘tish uchun havola: https://my.gov.uz/uz/service/491
💬 Ma’lumot uchun: O‘zini o‘zi band qilish uchun 104 turdagi mehnat faoliyatlari ro‘yxatidan o‘ziga tegishli mehnat faoliyati turi tanlanishi kerak (Ushbu mehnat faoliyatlari bilan bu yerda (https://lex.uz/docs/4849607#4850688) tanishing).
🔢 Ikkinchi qadam. Soliq organlarida yoki "Soliq", "Xazna", "Click" mobil ilovalari orqali onlayn ijtimoiy soliq to‘lovini amalga oshiriladi.
☝️ Konunchilikka asosan, 7 yil ish stajiga ega bo‘lmagan fuqarolar pensiya olish huquqiga ega bo‘lmaydi.
😊 Xulosa qiladigan bo‘lsak, kelajakda pensiya olishingiz uchun bugun "ikki qadam" qo‘yishingiz kifoya.
M.Yu.Nurmuxammedov,
Byudjetdan tashqari Pensiya jamg‘armasi Do‘stlik tuman bo‘limi boshlig‘i