Toshkentda Vazirlik va idoralarning yettita ma’muriy binosi Yangi Toshkentga ko‘chirilishi munosabati bilan sotildi
2026-09-25 15:30:00 / Yangiliklar
Yana 11 ta obyekt 1 095,8 mlrd so‘mlik boshlang‘ich narxda savdoga chiqarilgan bo‘lib, 20 ta obyekt bo‘yicha sotuvoldi tayyorgarlik ishlari olib borilmoqda. Davlat aktivlarini boshqarish agentligi, Bandlik va kambag‘allikni qisqartirish vazirligi, Texnik jihatdan tartibga solish agentligi, Suv xo‘jaligi vazirligi hamda ularning tizimidagi tashkilotlarga tegishli binolar bo‘yicha savdolar davom etmoqda.
Binolarni sotish Vazirlar Mahkamasining 2025-yil 7-martdagi 146-son qarori doirasida amalga oshirilmoqda. Mazkur qarorda vazirliklar, idoralar va ularning tizimidagi tashkilotlarni Yangi Toshkent hududiga ko‘chirish, jami 150 ta davlat organi va davlat ishtirokidagi tashkilotni joylashtirish, shuningdek, Toshkent shahridagi ularga tegishli 83 ta ko‘chmas mulk obyektini ochiq savdolarda, jumladan, ijara huquqi asosida realizatsiya qilish nazarda tutilgan.
Shunday qilib, realizatsiya qilinishi belgilangan 83 ta obyektning yarmidan ko‘pi bo‘yicha jarayon boshlangan: 7 ta bino yangi mulkdorlarga o‘tdi, yana 31 ta obyekt tayyorgarlik va savdoning turli bosqichlarida.
Mazkur jarayon Yangi Toshkentdagi yangi ma’muriy infratuzilmani shakllantirish ishlari bilan parallel ravishda amalga oshirilmoqda. Obyektlarni sotishdan tushgan mablag‘lar bevosita ushbu infratuzilmani barpo etishga qayta yo‘naltiriladi. Shu tariqa, vazirlik va idoralarning Yangi Toshkentga ko‘chirilishi, jumladan, bo‘shayotgan davlat aktivlarini realizatsiya qilishdan tushadigan mablag‘lar hisobidan moliyalashtirilmoqda.
Davlat aktivlarini boshqarish agentligi
Matbuot xizmati