Davlat aktivlari agentligi va “Akademik cholg‘u ijrochiligi” ijodiy birlashmasi hamkorligida amalga oshirilayotgan ishlar taqdimoti bo‘lib o‘tdi
2026-09-10 15:30:00 / Yangiliklar
Davlat aktivlarini boshqarish agentligida O‘zbekiston Respublikasi Prezidentining madaniyat masalalari bo‘yicha vakili Hasan Salixov hamda madaniyat vaziri o‘rinbosari Odiljon Abduqahorov ishtirokida uchrashuv bo‘lib o‘tdi.
Tashrif doirasida delegatsiya O‘zbekiston Respublikasi Prezidentining 2026-yil 2-iyundagi “Madaniyat, san’at va adabiyot sohalarini yanada rivojlantirish bo‘yicha keng ko‘lamli chora-tadbirlar to‘g‘risida” PF-103-son Farmoni doirasida Davlat aktivlari agentligi va “Akademik cholg‘u ijrochiligi” ijodiy birlashmasi hamkorligida amalga oshirilayotgan ishlar taqdimoti hamda kelgusi rejalar bilan tanishdi.
Uchrashuvda ijodiy birlashma faoliyati samaradorligini oshirish, yosh iste’dodlarni qo‘llab-quvvatlash, yangi ijodiy loyihalarni amalga oshirish hamda mamlakatimizda akademik cholg‘u ijrochiligini yanada rivojlantirish masalalariga alohida e’tibor qaratildi.
Yakunida tomonlar fikr almashib, kelgusidagi hamkorlikning istiqbolli yo‘nalishlarini muhokama qildilar.