Davlat aktivlari agentligi xodimlari “Tashkent International Half Marathon – 2026” xalqaro yarim marafonida ishtirok etdi
2026-09-07 17:35:00 / Yangiliklar
Joriy yilning 6-sentabr kuni poytaxtimizda “Tashkent International Half Marathon – 2026” xalqaro yarim marafoni ko‘tarinki kayfiyat va yuqori saviyada o‘tkazildi.
O‘zbekiston Respublikasi davlat mustaqilligining 35 yilligiga bag‘ishlangan mazkur nufuzli sport tadbiri 5 km va 21 km masofalarda tashkil etilib, unda 24 mingdan ortiq ishtirokchi qatnashdi.
Toshkent xalqaro yarim marafoni ProRun tashkiloti, Sport vazirligi, Toshkent shahar hokimligi hamda Oʻzbekiston yengil atletika federatsiyasi va boshqa qator mutasaddi idoralar hamkorligida tashkil etildi. Ushbu ommaviy sport tadbirida Davlat aktivlari agentligi xodimlari ham faol ishtirok etib, sog‘lom turmush tarzini targ‘ib qilish, jamoaviy ruh va faol hayot tarzini qo‘llab-quvvatlashga o‘z hissalarini qo‘shdilar.
Yarim marafon nafaqat sport musobaqasi, balki birdamlik, iroda, qat’iyat va sog‘lom hayot tarzini namoyon etuvchi muhim tadbir bo‘ldi.
