Davlat aktivlarini boshqarish agentligi binosida O‘zbekiston Respublikasi davlat mustaqilligining 35 yilligi munosabati bilan bayram tadbiri va taqdirlash marosimi bo‘lib o‘tdi.

Tadbirni Davlat aktivlari agentligi direktori Sohibjon Murodov olib bordi. Shuningdek, tadbirda Agentlik markaziy apparati xodimlari, tizim tashkilotlari hamda hududiy bo‘linmalar vakillari Zoom platformasi orqali onlayn tarzda tadbirda qatnashdilar.

Tadbir davomida mamlakatimiz mustaqilligi yillarida erishilgan ulkan yutuqlar, yurtimiz taraqqiyoti va xalqimiz farovonligini ta’minlash yo‘lida amalga oshirilayotgan keng ko‘lamli islohotlar haqida so‘z yuritildi. Mustaqillikning har bir yurtdoshimiz hayotidagi beqiyos o‘rni, tinchlik va osoyishtalikni asrash, Vatan ravnaqi yo‘lida fidokorona mehnat qilish muhimligi alohida ta’kidlandi.

Marosimning asosiy qismida Agentlik tizimida samarali faoliyat olib borayotgan, o‘zining tashabbuskorligi, mas’uliyati va fidokorona mehnati bilan jamoa rivojiga munosib hissa qo‘shib kelayotgan xodimlar tantanali ravishda taqdirlandi.

Jumladan, Agentlik markaziy apparati, hududiy bo‘linmalari hamda tizim tashkilotlari 86 nafar xodimga faxriy yorliq va 102 nafar xodimga (shundan 67 nafariga viloyat tuman hokimliklari tomonidan berilgan) “Mustaqillikning 35 yilligi” ko‘krak nishoni topshirildi. Shuningdek, taqdirlangan xodimlarga esdalik sovg‘alari ham taqdim etildi.

Mazkur tadbir xodimlarning Agentlik faoliyatini rivojlantirish, davlat aktivlarini samarali boshqarish, sohada amalga oshirilayotgan islohotlarni hayotga tatbiq etish hamda tizim oldiga qo‘yilgan vazifalarni sifatli bajarish borasidagi munosib mehnatining yuksak e’tirofi bo‘ldi.

Barcha yurtdoshlarimizni O‘zbekiston Respublikasi davlat mustaqilligining 35 yilligi bilan samimiy muborakbod etamiz! Ularga mustahkam sog‘lik, oilaviy xotirjamlik, mas’uliyatli va sharafli faoliyatida ulkan muvaffaqiyatlar, yurtimiz ravnaqi va taraqqiyoti yo‘lida yangi zafarlar tilaymiz