Oʻzbekiston Respublikasi Davlat aktivlarini boshqarish agentligi

Matbuot va ommaviy axborot vositalari xodimlari kuni munosabati bilan tashkil etilgan media forum tashkil etildi.

Jurnalistlar, blogerlar, matbuot kotiblari, media ekspertlari va soha fidoyilari bilan ochiq muloqot bo'lib o'tdi.

Prezidentimiz Shavkat Miromonovich Mirziyoyev rahbarligida Yangi O‘zbekistonda ochiqlik, oshkoralik va jamoatchilik bilan muloqot tamoyillari tobora mustahkamlanmoqda. Bu jarayonda media vakillarining o‘rni beqiyos.

Bugun jurnalistika nafaqat tezkor axborot yetkazish, balki jamiyatda xolis fikr, ishonch, mas’uliyatli muloqot va sog‘lom axborot muhitini shakllantirishda muhim kuchga aylanmoqda. Kuchli media – bu faktlarga tayanadigan, xalq manfaatlariga xizmat qiladigan va jamiyat ishonadigan media demakdir.

Forumda milliy media maydonini yanada rivojlantirish, professional kadrlar tayyorlash, hududlar bilan tizimli hamkorlikni kuchaytirish hamda raqamli media imkoniyatlarini kengaytirish masalalariga alohida e’tibor qaratildi. 

Ayniqsa, media davlat va jamiyat o‘rtasidagi muhim ko‘prik ekani, islohotlar mazmun-mohiyatini xalqimizga tushunarli tilda yetkazish, odamlarning fikri va muammolarini mas’ul idoralarga olib chiqishda soha vakillariga tayanayotgani ta’kidlandi.

Matbuot, teleradio, raqamli media, axborot xizmatlari, nashriyotlar va matbaa korxonalarida sidqidildan mehnat qilayotgan barcha jonkuyarlar samimiy qutlandi.